Universitetet i Bergen · Bergen
Forskar (redaksjonsmedarbeidar) i Norsk Ordbok
Kunnskap som formar samfunnet UiB skal vere blant Europas fremste universitet, internasjonalt kjent for høg kvalitet i forsking og utdanning. Som samfunnsinst...
Kunnskap som formar samfunnet
UiB skal vere blant Europas fremste universitet, internasjonalt kjent for høg kvalitet i forsking og utdanning. Som samfunnsinstitusjon skal vi bidra til ei berekraftig og demokratisk utvikling og vere ein attraktiv og inkluderande studie- og arbeidsplass.
Video: https://youtu.be/M5n6RnScNgAForskar (redaksjonsmedarbeidar) i Norsk Ordbok
Velkomen som søkjar til ei mellombels 50 % prosjektstilling som redaksjonsmedarbeidar (forskar 1108) ved Institutt for lingvistiske, litterære og estetiske studium (LLE), Universitetet i Bergen. Stillinga har varigheit på to år.
Stillinga er knytt til det store ordbokverket Norsk Ordbok, som dokumenterer nynorsk og norske dialekter. Norsk Ordbok blir saman med Bokmålsordboka og Nynorskordboka oppdaterte ved LLE, og ordbokarbeidet er finansiert av Kultur- og likestillingsdepartementet (KUD).
KUD stiller krav om at ordbøker som heilt eller delvis er bygde opp for offentlege midlar, skal gje opplysingar om kva som er offisiell rettskriving i dag. Arbeidet med Norsk Ordbok starta opp i 1929, og 1938-rettskrivinga for nynorsk er nytta i alle dei tolv trykte banda av verket. Det er såleis ei prioritert oppgåve for redaksjonen at nettordboka skal vise gjeldande nynorsknorm i oppslagsorda, og redaksjonsmedarbeidaren skal bidra til det ved å oppdatere og samordne rettskrivingsopplysningar i ulike ordbokdatabasar.
Til saman utgjer ordbøkene, kjeldegrunnlaget og rettskrivingsressursane ein viktig infrastruktur for norsk språk. Det blir ei kjerneoppgåve for den tilsette å sikre kvalitet og konsistens i språkressursane knytt til ordbøkene og å bidra til at dei held seg fagleg og språkteknologisk relevante.
Arbeidsoppgåver og ansvar:
- oppdatering og samordning av databasar, arkiv og samlingar, med hovudvekt på innhaldet i dei leksikografiske grunnlagsressursane Norsk ordbank og Metaordboka.
oppdatering, feilretting og rydding i ordbokdatabasane.
tilrettelegging og kvalitetssikring av kjeldemateriale knytt til Norsk Ordbok.
kvalitetskontroll i redigeringa av Norsk Ordbok.
administrative oppgåver kan bli aktuelle.
Kvalifikasjonar og eigenskapar:
Søkjar må:
ha mastergrad i nordisk språkvitskap eller lingvistikk.
dokumentere at hen meistrar begge skriftspråka, nynorsk og bokmål, særleg godt.
ha inngåande kjennskap til norske dialektar og dei moderne norske skriftspråka, språkutvikling og skriftnorm i eit historisk perspektiv.
kjenne godt til grunnlagsressursane Norsk ordbank og Metaordboka.
ha erfaring med oppdatering av leksikografiske databasar og handsaming av ulike rettskrivingsnormalar.
Relevant IT-kompetanse, særleg erfaring med redigeringsapplikasjonen i Korpuskel og korpussystemet Korpuskel-leks, er ein fordel.
Personlege eigenskapar:
Vi ser etter deg som har:
evne til å handtere store mengder informasjon og er ryddig og nøyaktig.
evne til å arbeide sjølvstendig, strukturert og målretta.
evne til å halde orden på mange detaljar.
gode analytiske evner.
gode samarbeidsevner.
Det blir lagt vekt på dei personlege eigenskapane til søkjaren.
Tilsetjing i stillinga krev at ein har arbeidsplass ved Universitetet i Bergen tilsvarande stillingsprosenten, og at ein følger gjeldande retningslinjer.
Hos oss får du:
- eit godt og fagleg utfordrande arbeidsmiljø med engasjerte kollegaer.
spennande og motiverande kontakt med fagmiljø ved UiB.
ein trygg og fleksibel arbeidskvardag med gode velferdsordningar.
lønn som forskar (kode 1108) som for tida svarar til ei brutto årsløn på kr 605 000 – 670 000 i full stilling. For særleg kvalifiserte søkjarar kan høgare lønn vurderast.
medlemskap i Statens pensjonskasse, som inneber ei trygg tenestepensjonsordning, moglegheit for uføre- og etterlatnepensjon, og tilgang til gunstige bustadlån.
Slik søkjer du stillinga:
Søknaden skal sendast elektronisk via lenkja «SØK STILLINGA» på denne sida. Følg stega i søknadsprosessen og legg inn følgjande:
Under «Søknadstekst»: Skriv ei kort utgreiing om motivasjonen din for å søkje stillinga.
- Under «CV», gje opp:
- Personalia.
Erfaringar og kvalifikasjonar (fyll inn i dei seksjonane som er relevante for deg).
Språkferdigheiter.
Minst to referansepersonar.
- Under «Vedlegg» skal du laste følgjande opp som separate dokument:
- Vitnemål som dokumenterer fullførte grader (skal lastast opp frå Vitnemålsportalen, eller skanna versjon av originalar/rettkjende kopiar av alle vitnemål frå høgare utdanning) og relevante attestar.
Samandrag av masteroppgåva.
Liste over eventuelle vitskaplege publikasjonar og inntil fem vitskaplege arbeid, gjerne på begge dei norske skriftspråka.
Søknad og vedlegg må vere på norsk. Vedlegga kan vere i Word- eller PDF-format, og må bli lasta opp i Jobbnorge innan søknadsfristen.
Aktuelle søkjarar vil bli inviterte til intervju.
Nærare om tilsetjingsprosessen her.
Generell informasjon:
Utfyllande opplysningar om stillinga kan ein få ved å vende seg til instituttleiar Anders Fagerjord, tlf. 55 58 36 53, e-post: anders.fagerjord@uib.no eller leiar for ordbokmiljøet Margunn Rauset, tlf. 55 58 24 63, e-post: margunn.rauset@uib.no.
Spørsmål om den elektroniske søknadsprosessen kan rettast til Det humanistiske fakultet på e-post: fakadm@hf.uib.no.
Universitetet i Bergen nyttar meirinnsyn ved tilsetjing i vitskaplege stillingar. Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teken til følgje, skal søkjaren varslast om dette.
Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder.
Vi oppmodar søkjarar med funksjonsnedsetjing, innvandrarbakgrunn eller hól i CV-en til å søkje. Dersom du kryssar av for dette i søknaden, kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju.
Roll
Forskar (redaksjonsmedarbeidar) i Norsk Ordbok
Kategori
Andre sivilingeniører (unntatt elektroteknologi);
Plats
Publicerad
18 juni
Sista ansökningsdag
7 augusti
Källa