Forskar knytt til prosjektet TRANSFER

Dette er NTNU​ NTNU er et breddeuniversitet med en teknisk-naturvitenskapelig hovedprofil og et tyngdepunkt innen profesjonsutdanning. Universitetet er lokalisert i tre byer med hovedsete i Trondheim. På NTNU jobber 9 000 ansatte og 43 000 studenter med å skape kunnskap for en bedre verden. Du finner mer informasjon om NTNU som arbeidsplass og søkeprosessen her. Video: https://youtu.be/Xt-yHCN5QS0Om stillingen​ Er du klar for å ta forskarkarrieren din til neste nivå? Me tilbyr ei spennande 3-årig postdoktorstilling som gir deg høve til å utvikla ein sterk forskarprofil. Du vil og arbeide deg opp verdifull erfaring som vil kunne vere relevant for den vidare karrieren din. Ei postdoktorstilling har som føremål at den tilsette skal opparbeide seg ein forskarprofil og kompetanse som kvalifiserer for stilling som førsteamanuensis. Stillinga kan i tillegg gje annan kompetanse med relevans for vidare karriere. Bli ein del av forskingsmiljøet vårt og ta det neste steget i karriereløpet ditt med oss. Du skal vere tilknytt ei sterk forskningsgruppe ved NTNU som forskar på mentale vanskar etter hjerneslag - VaDi.  Din næraste leiar vil vera nestleiar forsking ved Institutt for psykologi. Om prosjektet​ Postdoktorstillinga er knytt til eit nytt forskingsprosjekt som undersøkjer gruppebaserte rehabiliteringstiltak for personar med kognitive og eksekutive vanskar etter hjerneslag, med særleg fokus på eksekutive funksjonar, livskvalitet og gjennomførbarheit. Prosjektet kombinerer klinisk forsking, kognitiv rehabilitering og helsefremjande tilnærmingar med mål om å utvikle kunnskapsbaserte rehabiliteringstilbod for slagramma. Postdoktorstillinga blir finansiert av NTNU.  Prosjektleiar er førsteamanuensis Ramune Grambaite ved Institutt for psykologi, NTNU. Du skal samarbeide tett med doktorgradsstipendiatar og andre forskarar i VaDi. Arbeidsoppgåver​ • gjennomføre forsking av god kvalitet  • akademiske publikasjonar og populærvitskapleg formidling  • delta i forskingsgruppa VaDi  • delta i møter med brukargruppa • søkje om forskingsmidlar, skrive søknadar og rapportere om framdrift til finansieringskjelder  • delta i internasjonale aktivitetar, som deltaking på konferansar og/eller forskingsopphald ved utanlandske lærestader  • rettleie studentar på master- og profesjonsnivå og ph.d.-nivå, hjelpe dei med forskingsprosjekta deira og gje råd om metodikk og akademisk skriving • anna karrierefremjande arbeid, til dømes undervising og sensur Kvalifikasjonskrav​ • du må ha fullført doktorgrad innan psykologi, medisin, sjukepleie eller tilsvarande  • dersom du er i sluttfasen av doktorgraden din og kan dokumentere at avhandlinga er levert eller at disputasdato er stadfesta, kan søknaden din bli vurdert sjølv om du ikkje har disputert  • dokumentasjon på oppnådd doktorgrad må leggjast fram før du kan tiltre stillinga • god munnleg og skriftleg framstillingsevne i både eit skandinavisk språk og engelsk tilsvarande nivå C1 eller C2 Dersom du ikkje allereie har utdanningsfagleg kompetanse som oppfyller krava til ei stilling som førsteamanuensis i Noreg, vil NTNU leggje til rette for at du kan opparbeide deg kompetansen i løpet av tilsetjingsperioden. I slike tilfelle vil du òg få tildelt undervisingsoppgåver som ein del av det karrierefremjande arbeidet. Me viser til NTNUs retningslinjer for rekrutteringsstillingar og Forskrift for gradene philosophiae doctor (ph.d.) og philosophiae doctor (ph.d.) i kunstnarisk utviklingsarbeid ved Noregs teknisk–naturvitskapleg universitet (NTNU) for generelle kriterium for stillinga. Ønskte kvalifikasjonar​ • klinisk erfaring, inkludert erfaring med kognitiv testing og kartlegging av kognitive og emosjonelle symptom • erfaring med intervensjonsstudiar og/eller klinisk forskingsarbeid • erfaring med kognitiv rehabilitering, metakognitiv trening, mindfulness, yoga og/eller andre rehabiliteringstiltak for personar med erverva hjerneskade eller andre sjukdomar som kan påverke hjernefunksjon • kunnskap om kvantitative og kvalitative forskingsmetodar • kunnskap om eller interesse for tema knytt til prosjektet, inkludert kognisjon, eksekutive funksjonar, nevropsykologi, hjerneslag og rehabilitering • gode kommunikasjonsevner og evne til å byggje relasjonar med deltakarar, samarbeidspartnarar og brukarrepresentantar Personlege eigenskapar ​ Stilling som postdoktor føreset at du kan: • arbeide sjølvstendig  • jobbe strukturert, setje mål og lage planar for å nå dei  • presentere og diskutere forskinga di med andre fagpersonar og/eller interessegrupper  • vise nysgjerrigheit og sterk motivasjon for forskingsfeltet  • vere fleksibel og open for å justere prosjektplanen etter behov Personleg eignaheit vil bli vektlagt. Vi tilbyr ​ • ein spennande jobb med eit viktig samfunnsoppdrag • utviklande oppgåver i eit sterkt og internasjonalt fagmiljø  • karriererettleiing gjennom postdoktorløpet, og i samarbeid med deg utarbeider vi ein karriereplan som inneheld ferdigheitene og kunnskapen du skal opparbeide deg  • eit ope og inkluderende arbeidsmiljømed engasjerte kollegaer • fadderordning som nytilsette ved NTNU • gunstige vilkår i Statens pensjonskasse Som postdoktor ved NTNU, får du tilgang påansattgoder. Mangfald​ Mangfald er ein styrke, og ved NTNU har me eit mål om å vera ein arbeidsgivar som speglar mangfaldet i samfunnet og som tek i bruk potensialet i dei samla kompetansane til befolkninga. Visjonen vår er Kunnskap for ei betre verd og våre verdiar er kreative, kritisk, konstruktiv og respektfull. Me har tru på at ei verksemd som er likestilt, mangfaldig og kjønnsbalansert er avgjerande for at me saman når måla våre. Me ønskjer medarbeidarar med ulike kompetansar, fagkombinasjonar, livserfaringar og perspektiv for å bidra til endå betre oppgåveløysing av samfunnsoppdraget vårt innan forsking og utdanning. Om du synest denne stillinga er relevant og interessant, oppmodar me deg til å søkja, uavhengig av kjønn, funksjonsevne og kulturell bakgrunn, eller om du i ein periode har vore utanfor arbeidslivet Lønn og vilkår ​ I stillinga som postdoktor kode 1352 vil løna di normalt vera brutto kr 633 400,- pr. år avhengig av kvalifikasjonar og ansiennitet. Frå lønna blir 2 % lovfesta innskot trekte til Statens pensjonskasse. Tilsetjingsperioden er 3 år​. Som tilsett ved NTNU er det viktig at du held deg oppdatert på faglege og organisatoriske endringar og tilpassar deg desse. For nødvendig samhandling fagleg og sosialt er det ein føresetnad at du er fysisk til stades og tilgjengeleg for institusjonen på dagleg basis. Tilsetjinga blir gjennomført etter prinsippa i statstilsettelova, og lovverk som regulerer eksport av kunnskap, teknologi og tenester. Kandidatar som etter vurdering av søknad og vedlegg blir rekna for å komma i konflikt med kriteria i sistnemnde lov, vil ikkje kunna bli tilsett. Om søknaden​ Søknad og vedlegg, (inkl. beskriving av det vitskaplege arbeidet ditt) må følgja søknaden då desse blir lagde til grunn for vurderinga. Dokumenta må vera på eit skandinavisk språk eller engelsk. Me gjer merksame på at søknaden berre blir vurdert ut frå den informasjonen me har ved søknadsfristen. Sørg derfor for at søknaden din tydeleg viser korleis ferdigheitene og erfaringane dine oppfyller kriteria som er beskrivne over. Søknaden og alle vedlegg blir sende elektronisk via Jobbnorge.no. Dersom du blir invitert til intervju, må du ta med stadfesta kopiar av attestar og vitnemål ved førespurnad. Søknaden må inneholde: • karakterutskrifter og vitnemål for bachelor-  og mastergrad, samt oppnådd doktorgrad. Dersom du ikke har fullført doktorgraden må du levere ei stadfesting på at avhandlinga er levert eller dokumentere planlagt disputasdato. Dokumentasjon av fullført doktorgrad må framvisast før du kan tiltre stillinga. • CV • kopi av doktoravhandlinga. Dersom du er i sluttfasen, kan du leggje ved eit utkast av avhandlinga.  • eit kort søknadsbrev som utdjupar motivasjonen din for stillinga (400 ord / 1 side) • publikasjonar eller anna relevant forskingsarbeid (maks 5 arbeider)  • ev. attestar • namn og kontaktinformasjon til tre relevante referansar Dersom heile eller delar av utdanninga di er tekne i utlandet, skal det leggjast ved dokumentasjon på omfang og kvalitet for heile utdanningsløpet ditt, både bachelor- og masterutdanning, i tillegg til ev. anna høgare utdanning. Dersom institusjonen din tilbyr «diploma supplement» (vanleg for dei fleste europeiske lærestader), skal dette leggast ved. Beskriving av annan dokumentasjon som er nødvendig finn du her. Dersom du har ei fråsegn frå HK-dir, skal du leggja ved denne òg. Me tek omsyn til arbeid du har gjort saman med andre. Dersom det er vanskeleg å identifisera innsatsen din i fellesarbeida, må du leggja ved ei kort forklaring for medverknaden din. Dersom du har hatt permisjon eller anna avbrekk i karrieren din, er det viktig at dette kjem fram i søknaden din, slik at utvalskomiteen kan ta omsyn til dette, og at omfanget av forskinga di kan vere redusert som følgje av dette. Ved vurdering av den best kvalifiserte, legg me vekt på nødvendige kvalifikasjonar som utdanning, erfaring, og dessutan personlege eigenskapar. Motivasjon for stillinga, ambisjonar og potensial for forsking vil også telja ved vurdering av kandidatane. NTNU anerkjenner stor breidd av faglege bidrag og har forplikta oss The San Francisco Declaration on Research Assessment og forpliktingane i CoARA (ansvarleg vurdering av forsking og anerkjenning av ei større breidd av faglege bidrag i samsvar med NTNUs samfunnsoppdrag). Generell informasjon ​ Offentleg søkjarliste med namn, alder, stillingstittel og bustadkommune blir utarbeidd etter utløpet av søknadsfristen. Dersom du ønskjer å reservera deg frå oppføring på offentleg søkjarliste må dette grunngjevast. Vurdering vil bli gjord i samsvar med gjeldande lovverk. Du vil bli varsla om reservasjon ikkje blir teken til følgje. Om du har spørsmål om stillinga kan du ta kontakt med Ramune Grambaite, tlf. 73597427, e-post ramune.grambaite@ntnu.no. Om du har spørsmål om ansettelsesprosessen kan du ta kontakt med Ina Halvorsen, e-post: ina.g.halvorsen@ntnu.no Søknadsfrist: 16.08.2026​   Trondheim​ er en moderne europeisk by med en rik kulturscene. Trondheim er Norges teknologihovedstad med en befolkning over 200 000. Den norske velferdsstaten, inkludert helsevesen, skoler, barnehager og generell likestilling, er sannsynligvis den beste i sitt slag i verden. Profesjonell subsidiert barnepass er lett tilgjengelig. Videre tilbyr Trondheim gode utdanningsmuligheter (inkludert internasjonale skoler) og muligheter til å nyte natur, kultur og familieliv, og har lav kriminalitet og ren luftkvalitet.

UiB - Kunnskap som formar samfunnet​ UiB skal vere blant Europas fremste universitet, internasjonalt kjent for høg kvalitet i forsking og utdanning. Som samfunnsinstitusjon skal vi bidra til ei berekraftig og demokratisk utvikling og vere ein attraktiv og inkluderande studie- og arbeidsplass. Video: https://youtu.be/M5n6RnScNgAStipendiat i narrativ datavisualisering knytt til Senter for digitale forteljingar ved Institutt for lingvistiske, litterære og estetiske studium​ Er du ein person som brenn for narrativ og for korleis historier formar måten vi ser og forstår data og informasjon i verda rundt oss?  Vi søkjer ein motivert og fagleg sterk kandidat til ei stipendiatstilling i narrativ datavisualisering ved Senter for digitale forteljingar, som er del av Institutt for lingvistiske, litterære og estetiske studium. Planlagd oppstart er 1. januar 2027, eller etter avtale. Stillinga er for ein åremålsperiode på tre år. Stillinga er knytt til Senter for digitale forteljingar (CDN), eit norsk senter for framifrå forsking, og er tett kopla til Visualiseringsgruppa (VisGroup) ved Institutt for informatikk. Den som vert tilsett, vil dele arbeidstida si mellom dei to forskingsmiljøa og vil bli oppmoda til å delta aktivt i begge miljøa. Sjølv om kandidaten vil ha noko fridom til å velje kva data som skal brukast i ph.d.-prosjektet, forventar vi at det vert utvikla koplingar til pågåande prosjekt ved CDN, særleg ERC Advanced Grant-prosjektet AI STORIES, samstundes som ein nyttar fullt ut den metodiske og tekniske kompetansen som finst i VisGroup. Om institutt for lingvistiske, litterære og estetiske studium:​ Institutt for lingvistiske, litterære og estetiske studium har om lag 80 vitskapleg tilsette, 17 administrativt tilsette, rundt 40 stipendiatar og 13 postdoktorar. Instituttet omfattar fagområda allmenn litteraturvitskap, digital kultur, klassiske studium, kunsthistorie, nordisk litteratur, språk- og fagdidaktikk, norrøn filologi, norsk som andrespråk, lingvistikk og teatervitskap. Instituttet er òg vertskap for to senter – Senter for digitale forteljingar og Senter for norsk fagspråk – i tillegg til tre av dei viktigaste ordbøkene i Noreg. Om senter for digitale forteljingar (CDN)​ Senter for digitale forteljingar er eit norsk senter for framifrå forsking som er dedikert til humanistisk forankra forsking på digitale forteljingar, inkludert elektronisk litteratur, spelstudiar, digital kultur og berekningsbaserte former for historieforteljing. CDN har søkjelys på algoritmisk narrativitet, nye miljø og materialitetar, og dei skiftande kulturelle kontekstane der digitale forteljingar vert mottekne og tolka. Vi undersøkjer korleis samspel mellom menneskelege forfattarar og ikkje-menneskelege aktørar fører til nye narrative former, korleis materialiteten i digitale forteljingar har endra seg over tid, og korleis kulturelle kontekstar omformar materialiteten deira, bruk og funksjon. CDN tilbyr òg eit livleg, tverrfagleg forskingsmiljø med omfattande internasjonalt samarbeid, utstillingar, opplæringstilbod og tverrsektorielle partnarskap. Om prosjektet AI Stories:​ AI STORIES: Narrative Archetypes for Artificial Intelligence er eit femårig ERC-finansiert prosjekt (2024–2029) leia av professor Jill Walker Rettberg. Prosjektet utforskar og testar hypotesen om at djupe narrative strukturar i dataa og prosessane som vert nytta til å trene generative KI-modellar, vert reproduserte og kanskje til og med forsterka i outputen frå generativ KI, og at dette kan føre til kulturelt spesifikke narrative skeivskapar. Dette er humanistisk forsking som nyttar kvalitative metodar frå litteraturvitskap og studium av digital kultur. Om stipendiatstillinga og forskarutdanninga: ​ Stipendiatstillinga har som hovudmål å leie fram til ein ph.d.-grad, som kvalifiserer for sjølvstendig forskingsverksemd og for anna arbeid som krev særskild kompetanse. Stillinga har ein samla periode på tre år, der 2,5 år er sett av til arbeidet med doktorgradsprosjektet. Som stipendiat blir du tatt opp i ph.d.-programmet ved Det humanistiske fakultet. Programmet inneheld ein opplæringsdel på 30 studiepoeng, som utgjer seks månadar av tilsetjingsperioden.  Kvalifikasjonar og personlege eigenskapar:​ Søkjaren må ha:​ • Norsk mastergrad eller tilsvarande utanlandsk grad innan digital kultur, digitale humaniora, informatikk eller eit anna fag som omfattar opplæring i anten digital design, kritisk teori eller narrativ teori og analyse. Det er ein føresetnad at mastergraden er oppnådd innan søknadsfristen går ut. Annan grad enn norsk mastergrad blir vurderte etter krav frå Direktoratet for høgare utdanning og kompetanse.  • Erfaring med å utforme og utvikle (dvs. programmere) datavisualiseringar, dokumentert gjennom kursarbeid, portefølje eller kodearkiv. • Evne til å arbeide sjølvstendig og strukturert, kombinert med gode samarbeidsevner.  • Gode munnlege og skriftlege ferdigheiter i engelsk. Det er ein føremon med:​ • Kunnskap om kritisk teori og kjennskap til kvalitative analysemetodar. • Kunnskap om narrativ teori eller narrativ analyse. • Svært gode programmeringsferdigheiter, særleg i utvikling av visuelle grensesnitt og/eller applikasjonar. • Kunnskap om prinsipp for UI/UX og grafisk design.  Søkjarar vil bli vurderte etter opptakskrav frå Det humanistiske fakultet, sjå Ph.d.-programmets pkt. 2.1. Søkjarar må leggje fram ei prosjektskisse til eit forskingsprosjekt som skal munne ut i ei doktorgradsavhandling, saman med ein framdriftsplan for prosjektet.  Ved vurderinga av søknadene blir det lagt vekt på den vitskaplege kvaliteten i prosjekta, kor gjennomførleg dei skisserte prosjekta er, og dei faglege grunnkvalifikasjonane hjå søkjarane. Det vil vidare bli lagt vekt på fagstrategiske omsyn, motivasjon og personleg eignaheit. Hos oss får du:​ • Eit godt og fagleg utfordrande arbeidsmiljø.  • Høve til å byggje sterke faglege nettverk. • Ein trygg og fleksibel arbeidskvardag med gode velferdsordningar. • Ein arbeidsstad i hjartet av Bergen – nær både byliv og natur. • Løn som stipendiat (stillingskode 1017), som for tida svarar til ei brutto årsløn på kr 593 700 i full stilling. Vidare lønsopprykk skjer etter ansiennitet i stillinga. • Medlemskap i Statens pensjonskasse, som inneber ei trygg tenestepensjonsordning, moglegheit for uføre- og etterlatnepensjon, og tilgang til gunstige bustadlån.  Slik søkjer du stillinga:​ Søknaden skal sendast elektronisk via lenkja «SØK STILLINGA» på denne sida. Følg stega i søknadsprosessen og legg inn følgjande: • Under «Søknadstekst»: Skriv ei kort utgreiing om dine forskingsinteresser og motivasjonen din for å søkje stillinga. Du bør forklare kvifor du er interessert i stillinga, og kvifor bakgrunnen og forskingsinteressene dine gjer deg godt eigna. • Under «CV», oppgi:  • Personalia​.  • Erfaringar og kvalifikasjonar​ (fyll inn dei seksjonane som er relevante for deg). Publikasjonar/vitskaplege produksjonar kan leggjast ved som separat dokument dersom ønskjeleg (publikasjonsliste). • Språkferdigheiter​.  • Minst to referansepersonar​. Ein av desse må vere hovudrettleiaren for masteroppgåva eller tilsvarande oppgåve, eller den nyaste rettleiaren dersom søkjaren kjem frå privat sektor. • Under «Vedlegg» skal du laste følgjande opp som separate dokument: • Prosjektskisse​ på inntil 2 sider. Prosjektskissa skal tydeleg presentere dei sentrale forskingsidéane du ønskjer å utforske, og forklare relevansen deira både for dine eigne forskingsinteresser og for AI STORIES-prosjektet. • Framdriftsplan for prosjektskisse​ som tek omsyn til opplæringsdelen i ph.d.-programmet. • Karakterutskrift og vitnemål​ for bachelor- og mastergrad skal lastast opp frå Vitnemålsportalen. Last dei opp som vanlege filer dersom desse ikkje er tilgjengelege via Vitnemålsportalen. Dersom omfanget på masteroppgåva ikkje kjem fram av karakterutskrifta eller vitnemålet, må det leggjast ved stadfesting frå den gradgjevande institusjonen som opplyser om oppgåva sitt omfang i ECTS. • Kort samandrag av masteroppgåva​ eller tilsvarande oppgåve (inntil tre sider).  • Liste​ over eventuelle faglege publikasjonar​ (publikasjonsliste).  • Inntil tre fullstendige faglege publikasjonar​ kan leggjast ved dersom aktuelt.  • Relevante attestar​ som støttar opp under dine kvalifikasjonar, ferdigheiter, erfaringar eller eigenskapar.  Søknadstekst, CV og vedlegg må vere på norsk, eit anna skandinavisk språk eller engelsk. Dokumentasjon på andre språk må følgjast av attestert omsetjing. Vedlegga kan vere i Word- eller PDF-format, og må lastast opp i Jobbnorge innan søknadsfristen. Namngje vedlegga tydeleg.​ Vurderingskomiteen kan i særskilde tilfelle be om ettersending av dokumentasjon. Aktuelle søkjarar vil bli inviterte til intervju. Nærare om tilsetjingsprosessen her.  Formelle reguleringar:​ • Kandidatar som tidlegare har hatt stipendiatstilling ved Universitetet i Bergen kan ikkje søkje stillinga.  • Tilsetjingsperioden kan bli redusert for kandidatar som tidlegare har vore tilsett i ei rekrutteringsstilling ved ein annan institusjon.  • Tilsetjing i stillinga krev at ein har sin daglege arbeidsplass ved Universitetet i Bergen og følgjer gjeldande retningslinjer.  Generell informasjon:​ Utfyllande opplysningar om stillinga kan ein få ved å kontakte senterleiar, professor Jill Walker Rettbert, e-post: jill.walker.rettberg@uib.no, telefon: +47 55588431 eller instituttleiar, professor Anders Fagerjord, e-post: anders.fagerjord@uib.no, telefon: +47 55583653.  Spørsmål om den elektroniske søknadsprosessen kan rettast til Det humanistiske fakultet på e-post: fakadm@hf.uib.no. Internasjonalt senter ved UiB har informasjon om å flytte til Noreg for internasjonale søkjarar. Universitetet i Bergen nyttar meirinnsyn ved tilsetjing i vitskaplege stillingar. Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette. Vi oppmodar menn om å søkje. Dersom fleire søkjarar har tilnærma like kvalifikasjonar, gjeld reglane for moderat kjønnskvotering. Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder. Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju.  Livet som ph.d.-kandidat ved UiB​ Astrid Nybø forteller om livet og arbeidshverdagen som ph.d.-kandidat ved UiB. Video: https://www.youtube.com/watch?v=Eo3Z63yzkKA&list=PLf8ZIYfAO0qjhROTj6SthDbSScg0lSO6G&index=5