HR-leiar/Avdelingsleiar HR og organisasjonsutvikling

Voss herad søkjer etter Organisasjonssjef – strategisk leiar for økonomi, HR, digitalisering og verksemdsstøtte i Voss herad​ Me er ein attraktiv kommune med høge ambisjonar, sterke fagmiljø og eit lokalsamfunn med mykje aktivitet heile året. Her finn du noko av det beste Vestlandet har å by på, både for deg som søkjer faglege utfordringar og for deg som ønskjer ein aktiv livsstil. No ser me etter ein leiar som vil vera med og setja retning for framtida. Voss herad er inne i ein omfattande utviklings- og omstillingsprosess. Målet er å sikra berekraftige tenester, styrka gjennomføringsevna og utvikla ein meir samla organisasjon med tydeleg leiing, betre samhandling og effektiv bruk av ressursar. Som ein del av etablering av ny leiarstruktur i Voss herad etablerer me ei stabsavdeling med ansvar for sentrale støtte- og styringsfunksjonar. Me søkjer no ein strategisk og utviklingsorientert leiar som vil få ei nøkkelrolle i vidareutviklinga av heile organisasjonen. Om stillinga  ​Som leiar for stab og verksemdsstøtte får du ansvar for leiarar med sentrale funksjonar innan mellom anna: • HR og organisasjonsutvikling • Økonomi og verksemdsstyring • IKT drift • Digitalisering • Innbyggjarservice med dokumentsenter/arkiv, politisk sekretariat og personvern • Kommunikasjon Du blir ein del av rådmannen si leiargruppe på fem, og får eit overordna ansvar for å utvikla gode styringssystem, styrka organisasjonen si endringskraft og sikra at støttefunksjonane bidreg til best mogleg tenesteutvikling. Ansvarsområde​ • Leia og utvikla den samla stabsavdelinga • Vera ein strategisk rådgjevar for rådmann og leiargruppe • Styrka organisasjonen sitt arbeid med økonomistyring, personalpolitikk og verksemdsutvikling • Driva fram digitalisering, innovasjon og forbetringsarbeid • Leggja til rette for god samhandling på tvers av tenesteområda • Bidra til god dialog mellom administrasjon, politisk nivå, medarbeidarar og tillitsvalde • Byggja ein sterk organisasjonskultur med fokus på ansvar, samarbeid og resultat • Ha ei nøkkelrolle i å leggja til rette for effektiv samhandling i toppleiargruppa gjennom koordinering av møteverksemd, årshjul, prioriteringar og oppfølging. Kvalifikasjonar​ Me søkjer deg som har:​ • Relevant høgare utdanning på masternivå • Erfaring frå leiing av komplekse organisasjonar • Erfaring med økonomistyring, organisasjonsutvikling eller strategisk leiing • God forståing for offentleg forvaltning og politiske prosessar • Dokumenterte resultat frå endrings- og utviklingsarbeid Personlege eigenskapar​ Me ser etter ein leiar som:​ • Har sterk gjennomføringsevne • Evnar å tenkja heilskapleg og strategisk • Skaper tillit og gode relasjonar • Kommuniserer tydeleg og involverande • Er robust og trygg i krevjande omstillingsprosessar • Byggjer samarbeid og lagkjensle på tvers av fagområde, tillitsvalde og verneområdet. Me tilbyr​ • Ei sentral toppleiarstilling med stor påverknadskraft • Moglegheit til å forma framtidas Voss herad • Spanande og samfunnsviktige utfordringar • Eit kompetent leiarfellesskap med høge ambisjonar • Konkurransedyktige vilkår Om dette høyrest interessant ut, ta kontakt med rådmann Martin William Kulild på tlf 46414800 Arbeidsstad: Voss Rapporterer til: Rådmann Me ynskjer eit arbeidsmiljø prega av mangfald, og at våre tilsette skal gje eit bilete av folkesetnaden generelt. Me oppmodar alle som er kvalifisert til å søkja jobb hjå oss uansett alder, funksjonsevne, kjønn, eller kulturell bakgrunn.  Etter søknadsfristen vert det sett opp ei offentleg søkjarliste som inneheld namn, alder, stilling eller yrkestittel og bustads- eller arbeidskommune for kvar søkjar. I fylgje Offentleglova § 25 2. ledd kan opplysningar om søkjaren verta offentleggjort sjølv om søkjaren har bede om ikkje å verta oppført på søkjarlista. Søkjaren vert varsla dersom førespurnaden ikkje vert teken til fylgje. Link til søknadsskjema: Søk her

Vil du vere strategisk leiar hos Statsforvaltaren i Møre og Romsdal? Vi søker ein strategisk og utviklingsorientert leiar til stillinga som områdedirektør for verksemdsområdet sosial berekraft.​   Du rapporterer til embetsleiinga og inngår i den strategiske leiargruppa. I rolla får du ei viktig oppgåve i å følgje opp nasjonal politikk i fylket og bidra til å utvikle ei moderne, effektiv og framtidsretta forvaltning. Verksemdsområdet sosial berekraft omfattar fem seksjonar: helse, rettstryggleik i omsorg, verjemål, utdanning og sosial og familie. Som områdedirektør har du overordna ansvar for resultat, leiing og utvikling av området. ​Ansvars- og arbeidsoppgåver​ • Leie fagleg og strategisk arbeid på tvers av fagområda i verksemdsområdet og i embetet • Leie fem underdirektørar og om lag 70 medarbeidarar • Sikre måloppnåing i tråd med tildelingsbrev og strategiar • Følgje opp nasjonal politikk og styringsdialog • Initiere og leie utviklingsarbeid • Representere embetet eksternt • Bygge gode relasjonar og leggje til rette for god kommunikasjon og eit trygt og utviklande arbeidsmiljø  Kvalifikasjonar​For å lukkast i rolla ser vi etter deg som​ • har relevant høgare utdanning frå høgskole/universitet på masternivå. I særskilte høve kan manglande formell utdanning kompenserast med lang og relevant praksis kombinert med relevant etter- og vidareutdanning på høgskule/universitetsnivå. Leiarutdanning er ønskeleg. • har minst fem års leiarerfaring, gjerne innan offentleg forvaltning • kan vise til gode leiareigenskapar og dokumenterte resultat • er motivert av Statsforvaltaren sitt samfunnsoppdrag og ser heilskap i komplekse utfordringar • har relevant erfaring med endringsarbeid og strategiske prosessar • har svært god munnleg og skrifteleg framstillingsevne på norsk. Vi nyttar hovudsakleg nynorsk som skriftspråk.   Du må kunne tryggleiksklarerast til «HEMMELIG» før tiltreding. Sjå www.nsm.no for meir informasjon. Førarkort klasse B er ein føresetnad.   Personlege eigenskapar og leiarskap​Vi ser etter deg som​ • er ein tydeleg og samlande leiar som utviklar underdirektørane og medarbeidarane • har gode samarbeidsevner, kommuniserer godt og byggjer relasjonar internt og eksternt • er strategisk, strukturert og resultatorientert • har god gjennomføringsevne og evnar å prioritere og ta avgjerder i komplekse situasjonar • utøver leiarskap med engasjement, openheit og integritet   Personlege eigenskapar blir vektlagde. Du må vere open for endringar i organisering, oppgåver og ansvarsområde.   Leiarskapet skal byggje på statlege leiarprinsipp og Statsforvaltaren sine verdiar: engasjert, rettferdig, open og kompetent. Du er til stades, lyttande og gir ansvar og handlingsrom, handterer konfliktar på ein god måte og gir konstruktive tilbakemeldingar.  Vi tilbyr​ • ei sentral leiarstilling med stor påverknadskraft • ei viktig rolle i den strategiske leiinga av embetet • gode moglegheiter for fagleg og personleg utvikling • eit utviklande og godt arbeidsmiljø med høg fagleg kompetanse  Løn og vilkår​ • Løn (kode 1060) frå kr 1 175 000 til kr 1 300 000 etter kvalifikasjonar, erfaring og lokal lønnspolitikk.  • Stillinga er definert som fri og uavhengig og er ikkje omfatta av fleksitidsordninga i staten. • Tilsetting etter gjeldande lover, instruksar og reglement, med seks månaders prøvetid • Medlemskap i Statens pensjonskasse. Vi trekker 2 prosent av løna di og i tillegg betaler vi eit innskot til pensjonsordninga di. SPK har gode pensjons-, forsikrings- og lånevilkår (https://spk.no) • Høve til å trene i arbeidstida Meir informasjon​ Bli betre kjent med Statsforvaltaren i Møre og Romsdal:  https://www.statsforvalteren.no/more-og-romsdal/. Les meir om vilkår i staten på Arbeidsgiverportalen: https://arbeidsgiver.difi.no/lonn-goder-og-reise  ​Mangfald​ Eit godt arbeidsmiljø er prega av mangfald. Vi ønskjer medarbeidarar med ulike kompetansar, fagkombinasjonar, livserfaring og perspektiv for å bidra til ei enda betre oppgåveløysing. Vi oppfordrar difor alle kvalifiserte kandidatar til å søkje utan omsyn til alder, kjønn, funksjonsevne eller etnisk bakgrunn. Har du ei funksjonsnedsetting, hol i CV-en eller innvandrarbakgrunn, kan du bli positivt særbehandla om du set kryss for dette når du søkjer stillinga. Du kan lese meir om dette på arbeidsgivarportalen (https://arbeidsgiver.dfo.no/positivsaerbehandling).  Praktisk informasjon om søknadsprosessen​ Alle som søkjer stillinga må søkje digitalt. Når søknadsfristen går ut, vurderer vi søknaden din på bakgrunn av informasjonen du har sendt oss. Det er difor viktig at du både i søknadsbrevet og CV-en, viser korleis kompetansen din fyller krava som er satt i utlysinga. Det er viktig at du registrere all relevant utdanning og arbeidserfaring i kandidatprofilen du opprettar i rekrutteringssystemet (sjølv om du legg ved ein ferdigutfylt CV). Dette er nødvendig for at vi skal kunne vurdere søknadar frå deg og for å ivareta kravet om fullstendig søkjarliste. Relevante vitnemål og attester lastar du opp. Vitnemål og/eller karakterutskrifter henter du frå vitnemålsportalen om mogleg. Har du utdanning frå utlandet, legg du ved godkjenning frå NOKUT/Direktoratet for høyere utdanning og kompetanse. Vedlegg lastar du opp i PDF-format. Offentleg søkjarliste blir utarbeidd etter søknadsfristens utløp. Om du ønskjer å reservere deg frå den offentlege søkjarlista, må du grunngje dette særskilt. For at vi skal kunne vurdere ønskjet ditt om reservasjon, må du grunngje konkret kva for ulempe det vil ha for deg å stå på den offentlege søkjarlista. Du vil bli varsla om ønsket ditt ikkje vert tatt til følgje. Vi gjer merksam på at søkjarlista kan bli offentleg sjølv om du som søkjar ber om anonymitet jf. offentleglova § 25.    Om oss​ Statsforvaltaren er Kongen og Regjeringa sin fremste representant i fylket. Vi har ansvaret for å informere om statleg politikk og sette handlingsplanar ut i livet. Oppgåvene er i hovudsak rettleiing, tilsyn og klagebehandling retta mot enkeltpersonar, kommunar og bedrifter. Dette gjeld innan kommuneøkonomi og forvaltning, sosial- og familierettslege saker, samfunnstryggleik og beredskap, helse, utdanning, landbruk og miljøvern. Vi er ein kompetansearbeidsplass med om lag 150 medarbeidarar som jobbar for visjonen vår «Trygg framtid for folk og natur».  Kontaktinformasjon​ Rekrutteringsfirma Capus: peder.lund@capus.no, mobil 977 35 088  Ass. statsforvaltar Rigmor Brøste: rigmor.broste@statsforvalteren.no, mobil 926 59401   Søknadsfrist: 13.08.2026 ​ ​