Ønskjer du å skaffa deg spanande og meiningsfull jobb på helg ?

Om stillinga​ Har du kunnskap om eller bakgrunn i arkivfag eller historie? Har du lyst til å jobbe med ordning av arkiv med stor historisk verdi? Kultur- og likestillingsdepartementet (KUD) søkjer ein prosjektleiar til prosjektarbeid i to år.  Stillinga passar for deg som liker systematisk arbeid, og som har interesse for og innsikt i statsforvaltninga og kjennskap til arkivfaglege prinsipp.  KUD skal ordne papirarkiva sine og lyser derfor ut ei stilling som prosjektleiar. Prosjektgruppa skal ha ein prosjektleiar, ein til to prosjektmedarbeidarar og ein til to studentar. Arbeidsstaden vil hovudsakleg vere Nasjonalarkivet på Sognsvann. Oppstart etter avtale. Målet for prosjektet er at papirarkiva til KUD skal leverast til Nasjonalarkivet. Arkiva skal ordnast og listeførast i tråd med gjeldande lovkrav og retningslinjer for offentlege arkiv. Arbeidsoppgåver​ • organisere og leie prosjektet • sørgje for at arkiva kan leverast til Nasjonalarkivet • sakshandsaming innanfor ansvarsområdet til stillinga • delta i samarbeidsmøte med, og rapportere til, departementet • utarbeide bevarings- og kassasjonsvurderingar i samarbeid med departementet  Kvalifikasjonar​ Du må ha:​ • relevant høgare utdanning frå universitet/høgskule (minimum bachelornivå), til dømes i arkiv- og dokumentasjonsforvaltning, samfunnsvitskap eller historie. • Relevant erfaring kan kompensere for utdanningskravet • relevant erfaring med ordning av papirarkiv • erfaring frå prosjektleiing eller deltaking i prosjektretta arbeid • kunnskap om relevant lovverk • gode skriftlege og munnlege norskkunnskapar • god rolleforståing Det er ein fordel om du har erfaring frå arkiv i offentleg sektor, og gjerne frå departementsarkiv Søkjarar må kunne autoriserast til nivået «BEGRENSET» i tråd med sikkerhetsloven Vi søkjer deg som:​ • er løysingsorientert med høg gjennomføringsevne • har evne til å arbeide sjølvstendig og gode samarbeidsevner • er strukturert og har evne til å planleggje og gjennomføre større komplekse prosessar • er initiativrik og er ein positivt bidragsytar til arbeidsmiljøet • har stor arbeidskapasitet og evner å drive arbeid framover på ein strukturert måte Vi bruker bakgrunnssjekk frå Semac i rekrutteringsprosessane våre, og godkjend bakgrunnssjekk er ein føresetnad for tilsetjinga. Den som blir tilsett i stillinga, må kunne autoriserast for tilgang til informasjon som er gradert som BEGRENSET etter sikkerhetsloven. Vi tilbyr​ • ein spennande jobb med eit svært interessant arkiv som dokumenterer verksemda til KUD • moglegheit for sjølvstendig arbeid • eit godt arbeidsmiljø og arbeidsplass på Sognsvann • gode forsikrings- og pensjonsordningar, med automatisk medlemskap i Statens pensjonskasse • fleksibel arbeidstid • moglegheit til å trene i arbeidstida • eiga bedriftshelseteneste   Stillingskode og lønn: • 1113 Prosjektleiar • Årslønn frå kr 660 000 til kr 870 000, avhengig av erfaring og kvalifikasjonar.   Kultur- og likestillingsdepartementet er del av eit departementsfellesskap som er miljøsertifisert, og vi jobbar aktivt og systematisk med berekraftsansvaret i sektorane våre. Inkluderande arbeidsliv og mangfald​ Vi meiner at mangfald er ein styrke. Vi ønskjer medarbeidarar med ulik kompetanse og livserfaring og ulike fagkombinasjonar og perspektiv slik at vi kan løyse oppgåvene våre endå betre. Kultur- og likestillingsdepartementet har som mål å tilsetje fleire personar frå underrepresenterte grupper. Les meir om krava for positiv særbehandling på Arbeidsgiverportalen. Vi vil leggje til rette for medarbeidarar som har særskilde behov. Aktuelle tiltak kan til dømes vere å skaffe tekniske hjelpemiddel, tilpasse møblar eller endre rutinar, arbeidsoppgåver og arbeidstid. Offentleg søkarliste og kontakt​ Dei som søker, må vere merksame på at opplysningar om dei kan bli offentleggjorde sjølv om søkarane ber om ikkje å bli oppførte på den offentlege søkarlista. Departementet vil svare på krav om unntak frå den offentlege søkarlista før ho blir offentleggjord. Vil du vite meir om stillinga, kan du ta kontakt med Ida Tobro, kontorsjef, på e-post: ida.tobro@kud.dep.no  Om avdelinga og seksjonen​ Administrasjonsavdelinga utviklar system for styring og fastset overordna retningslinjer for ei effektiv og samordna leiing og drift av departementet. Avdelinga tek seg av administrative saker og ser til at departementet blir styrt i samsvar med gjeldande lover og reglar. Forvaltningsseksjonen har ansvaret for drift og utvikling av arkiv og dokumentforvaltning i departementet, oppfølging og utvikling av IKT og andre fellestenester og generelle driftsoppgåver. Seksjonen har òg ansvar for førebyggjande tryggleik og beredskap. Eininga for dokumentasjon har ansvaret for dagleg drift og utvikling av arkiv og dokumentasjonsforvaltning i departementet og skal sørgje for at rutinar og dokumenthandtering er i tråd med gjeldande reglar og instruksar.

UiB - Kunnskap som formar samfunnet​ UiB skal vere blant Europas fremste universitet, internasjonalt kjent for høg kvalitet i forsking og utdanning. Som samfunnsinstitusjon skal vi bidra til ei berekraftig og demokratisk utvikling og vere ein attraktiv og inkluderande studie- og arbeidsplass. Video: https://youtu.be/M5n6RnScNgAFørsteamanuensis i italiensk ved Institutt for framandspråk​ Vi søkjer ein motivert og fagleg sterk kandidat til ei fast stilling som førsteamanuensis i italiensk ved Institutt for framandspråk. Planlagd oppstart er 1. august 2027 eller etter avtale. I stillinga får du ein unik sjanse til bidra til ny kunnskap på feltet og delta i eit stimulerande akademisk miljø. Om instituttet​ Institutt for framandspråk har ni fag: arabisk, engelsk, fransk, italiensk, japansk, kinesisk, russisk, spansk språk og latinamerikastudium og tysk. Innanfor desse faga blir det forska på språk, litteratur, historie/samfunn og fagdidaktikk. Instituttet har om lag seksti fast tilsette i vitskaplege stillingar, kring tjue ph.d.- og postdoktorstillingar og elleve administrativt tilsette. Faget har tilbod på alle nivå frå bachelorgrad til ph.d. Studietilbodet inkluderer og nettbasert vidareutdanning. Dei tilsette på faget er aktive forskarar med nettverk langt utover UiB og Noreg. Arbeidsoppgåver​ • Forsking innan fagområda italiensk språk, kultur og/eller litteratur, med om lag 46 prosent forskingstid.  • Undervising på eit breitt spekter av kurs på bachelor- og masternivå, inkludert meir spesialiserte og avanserte kurs, samt rettleiing på alle nivå, medrekna ph.d.  • Fysisk undervisning, nettbasert undervisning og hybrid undervisning (som kombinerer nett- og campusundervisning). • Deltaking i vurdering av skriftlege og munnlege eksamenar.  • Undervisings-, rettleiings- og sensoroppgåver innan eige kompetanseområde ved andre fag eller institutt ved Det humanistiske fakultet etter behov.  • Delta i utviklinga av faget og kurstilbodet.  • Ta del i formidling og utvikling av forskingsmiljøet.  • Deltaking i nasjonalt og internasjonalt forskingssamarbeid. • Prosjektutvikling og søking av eksterne midlar.  • Andre fagleg-administrative oppgåver.  Kvalifikasjonar​ Søkjaren må ha:​ • Forskingskompetanse i italiensk språk, kultur eller litteratur som svarar til norsk doktorgrad.   • Erfaring frå undervising og rettleiing i italiensk på minimum bachelornivå, og kompetanse til å undervise på alle nivå.  • Dokumentert relevant utdanningsfagleg kompetanse på grunnlag av utdanning eller undervising og rettleiing, sjå Reglar for vurdering av utdanningsfagleg kompetanse ved UiB.  Det er ein stor føremon med:​ • Dokumentert forskingsaktivitet og publiserte forskingsresultat utover doktorgrad innan italiensk språk, kultur og/eller litteratur med særleg vekt på 1900-talet og samtidskultur, eller italienske kulturuttrykk i ein internasjonal kontekst. I vurderinga av det vitskaplege arbeidet blir det lagt særleg vekt på forsking frå dei siste fem åra. Det er ein føremon med:​ • Erfaring frå forskingssamarbeid og internasjonalt samarbeid. • Dokumentert evne til å initiere forskingsprosjekt og til å skaffe eksterne midlar. • Dokumentert kompetanse innan prosjektleiing, koordinering av forskingsaktivitet og strategisk forskingsplanlegging. • Kompetanse innan omsetjingsdidaktikk, inkludert erfaring frå omsetjing mellom eit skandinavisk språk og italiensk. • Kompetanse innan digital didaktikk, inkludert erfaring frå nettbasert undervisning og hybrid-undervisning (dvs. kombinasjon av campus- og nettundervisning) Instituttet ser etter ein kandidat som passar inn i forskings- og undervisningsprofilen på faget. Det blir lagt vekt på pågåande forsking og potensiale til å styrkje den faglege tyngda ved instituttet i åra framover. Administrasjonsspråket er norsk, og det er eit krav at den tilsette kan norsk på B2-nivå innan tre år frå tilsetjinga. UiB tilbyr norskkurs for tilsette frå utlandet.  Personlege eigenskapar​ Vi ser etter deg som har: ​ • Gode samarbeidsevner. • Gode evner til å kommunisere og samhandle med både studentar og kollegaer.  • God formidlingsevne og entusiasme for arbeidet.  • Ønske om og evne til å skape eit godt og inkluderande arbeidsmiljø. • Sjølvstende og fleksibilitet. • Vilje til å ta initiativ og ansvar.  Vurdering av søkjarane​ Søkjarane vil bli vurderte og rangerte av ein sakkunnig komité. I rangeringa av kvalifiserte søkjarar blir heile breidda av kvalifikasjonar trekt inn og vurdert eksplisitt etter følgjande prioritert rekkjefølgje:  1. Vitskaplege kvalifikasjonar.  2. Utdanningsfaglege kvalifikasjonar. 3. Kvalifikasjonar innan områda formidling, administrasjon og leiing.  4. Andre kvalifikasjonar som er relevant for stillinga slik ho er skissert i denne utlysinga. Aktuelle kandidatar blir inviterte til intervju og til å gje ei prøveforelesing.  Det skal gjerast ei avsluttande vurdering av dei samla kvalifikasjonane. Vurderinga skal sjåast i lys av det karrierestadiet søkjaren er på. Det blir lagt vekt på dei personlege eigenskapane til søkjaren og på at vedkomande er eigna for stillinga. Hos oss får du​ • Eit godt og fagleg utfordrande arbeidsmiljø.  • Høve til å byggje sterke faglege nettverk. • Attraktive vilkår for forsking, inkludert 46 prosent forskingstid i stillinga, og høve til å søkje forskingstermin.    • Gode karrierevegar, inkludert høve til å søkje om opprykk til professor etter ei akademisk kompetansevurdering basert på retningslinene frå Universitets- og høgskulerådet.  • Ein trygg og fleksibel arbeidskvardag med gode velferdsordningar. • Ein arbeidsstad i hjartet av Bergen – nær både byliv og natur. • Løn som førsteamanuensis (stillingskode 1011), som for tida svarar til ei brutto årsløn på 790 900,- til 830 900,- i full stilling. Vidare lønsopprykk etter ansiennitet i stillinga. For særleg kvalifiserte søkjarar kan det bli aktuelt å vurdera høgare løn.   • Medlemskap i Statens pensjonskasse, som inneber ei trygg tenestepensjonsordning, tilgang til uføre- og etterlatnepensjon, og tilgang til gunstige bustadlån.  Det er forventa at den tilsette hovudsakleg har arbeidsstaden sin på campus ved Universitetet i Bergen, deltek i den daglege drifta av instituttet og rettar seg etter dei retningslinene som gjeld for stillinga.   Slik søkjer du stillinga​ Søknaden skal sendast elektronisk via lenkja «SØK STILLINGA» på denne sida. Følg stega i søknadsprosessen og legg inn følgjande: • Under «Søknadstekst» ønskjer vi at du skriv om forskingsinteressene dine og motivasjonen for å søkje stillinga.   • Under «CV» vil vi ha opplysingar om: • Personalia​.  • Erfaringar og kvalifikasjonar, ​inkludert administrativ røynsle og andre relevante kvalifikasjonar. Publikasjonar/vitskaplege produksjonar kan leggjast ved som eit separat dokument (publikasjonsliste). • Språkferdigheiter​.  • Minst tre referansepersonar​. Ein av desse bør vere noverande eller tidlegare overordna. • Under «Vedlegg» skal du laste følgjande opp som separate dokument: • Vitnemål og karakterutskrifter​ som dokumenterer fullførte gradar (skal lastast opp frå Vitnemålsportalen, eller skanna versjon av originalar/rettkjende kopiar av alle vitnemål frå høgare utdanning) og relevante attestar.  • Utdanningsfagleg mappe​ og refleksjonsnotat. Følg denne lenka for informasjon om og dokumentasjon av pedagogiske kvalifikasjonar.  • Fullstendig liste over vitskaplege publikasjonar ​med ​lenker til fulltekst. • Inntil fem vitskaplege arbeid​ som det skal takast omsyn til i vurderinga. Arbeida kan inkludere avhandlingar, monografiar eller artiklar/kapittel. Dersom upubliserte arbeid blir lagde ved, må dette grunngjevast særskilt. Ved samforfattarskap må søkjaren gjere greie for kva bidraget hans/hennar er til publikasjonen.    Trykk her for rettleiing til utforming av søknad. Søknadstekst, CV, vitnemål, karakterutskrifter og utdanningsfagleg mappe må vere på norsk, eit anna skandinavisk språk eller engelsk. Dokumentasjon på andre språk må følgjast av attestert omsetjing. Vitskapelege arbeid som skal takast omsyn til i vurderinga kan leggjast ved på originalspråket. Vedlegga kan vere i Word- eller PDF-format, og må lastast opp i Jobbnorge innan søknadsfristen. Namngje vedlegga tydeleg.​ Komiteen kan i særskilde tilfelle be om ettersending av dokumentasjon. Nærare om tilsettingsprosessen her. Generell informasjon:​ Utfyllande opplysningar om stillinga kan ein få ved å kontakte instituttleiar Martin Paulsen på m.paulsen@uib.no eller tlf. 55 58 23 86 eller fagkoordinator Marco Gargiulo på marco.gargiulo@uib.no eller tlf. 55 58 23 47. Spørsmål om den elektroniske søknadsprosessen kan rettast til Det humanistiske fakultet på e-post: fakadm@hf.uib.no. Internasjonalt senter ved UiB har informasjon om å flytte til Noreg for internasjonale søkjarar. Universitetet i Bergen nyttar meirinnsyn ved tilsetjing i vitskaplege stillingar. Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette. Vi oppmodar menn om å søkje. Dersom fleire søkjarar har tilnærma like kvalifikasjonar, gjeld reglane for moderat kjønnskvotering Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder. Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju.