Helsefagarbeidar Kulatoppen Omsorgssenter HDO

Om stillinga​ Eining Habilitering har bustader for personar med utviklingshemming som ligg sentralt i Sveio sentrum. Åsvegen bueining søkjer nå to nye helsefagarbeidarar  i 100% stilling. Stillingane høyrer primært til denne avdelinga, men den tilsette arbeider ved begge sentrumsavdelingane til Habilitering, Stemhaugen - og Åsvegen bueining etter behov. Den eine stillinga har  bemanningsvakter, som vert brukt i eining Habilitering. Denne stillinga dekkjer behov ved fleire avdelingar. Her får ein fast turnus, men jobbar der behovet er på aktuell vakt. Har du lyst å arbeida i eit spannande fagmiljø, med brukar med samansatte utfordringar, er du den rette for oss. Me nyttar attraktiv langvaktsturnus med arbeid kvar 4. helg og vakter på inntil 14 timars varigheit. Dette er ein turnus som er godkjent for 1 år om gangen. Frå februar 2027 vil eininga ta i bruk årsturnus. I stillinga følgjer du brukar fra morgon til kveld, og er med på tilrettelagt arbeid og fritidsaktivitetar. Dette gjer dagen forutsigbar for brukar og deg som tilsett. Ein vert kjent med alle brukarane som bur hos oss, slik at ein får variasjon i arbeid og kan væra med på å tenkje heilhetleg for drifta. Saman med gode kollegaer og godt fagarbeid, får du gjennom denne stillinga moglegheit for å gjere kvardagen til våre bebuarar fin gjennom god livskvalitet og mestring. Arbeidsoppgåver​ • Arbeide med utviklingshemming og psykisk helseutfordringar  • Ha interesse og erfaring med utfordrande atferd  • Medikamenthandtering  • Kunne vurdera og ta avgjersler i utfordrande situasjonar Kvalifikasjonar​ • Autorisert helsefagarbeidar, men andre med relevant utdanning på fagarbeidar nivå kan også søkje  • Videreutdanning innen psykisk helse, PAS eller anna relevant utdanning kan være ein fordel • Erfaring frå arbeid med utfordrande atferd og psykisk helse er ein fordel  • Personleg egnethet vil bli vektlagt  • Norsk er arbeidsspråk i Sveio kommune. Du snakkar, les og skriv så godt at du kan både samarbeide med andre og utfører arbeidsoppgåvene dine sjølvstendig  • Førarkort kl B, manuell gir  • Godkjent politiattest Personlege eigenskapar​ • Me legg vekt på at du er fleksibel og evnar å tilpassa deg situasjonar og nye arbeidsoppgåver  • Du likar å finne løysingar saman med dine gode kollegaer  • Gjere deg kjent med tidlegare erfaringar om brukar, og utvikle fagarbeidet  • Evnar å stå i tøffe situasjonar og taklar utfordring og stressa situasjonar på ein tilfredsstillande måte  • Være fagleg engasjert, og held deg fagleg oppdatert  • Jobba målretta, systematisk og sjølvstendig, samtidig som du er opptatt av å ha eit tett og kontruktivt samarbeid med kollegaer og pårørande Vi tilbyr​ • Utfordrande og lærerikt arbeid i eit engasjert og fagleg kompetent arbeidsfellesskap  • Eit fagmiljø under utvikling som du får vere med å påverke og utvikle  • Løn etter avtale, og gode pensjons- og forsikringsordningar

Helsefagarbeidar​ Er du helsefagarbeidar på jakt etter nye utfordringar? Då ser me etter deg! Solund kommune er ein øykommune samansett av øyer og holmar ytterst i Sognefjorden. På den største øya ligg kommunesenteret Hardbakke og der har vi samla våre helsetenester. I Solund kommune er kvilepuls verdsatt, men av og til kan det jammen vere greitt å få pumpa til å slå litt også i ein variert og kjekk arbeidskvardag. Vi har ledig fast helgestilling som helsefagarbeidar, i tillegg søkjer vi tilkallingsvikarar. Turnusen vår er i dag tredelt, men me er ikkje framand for å vere nytenkande. Kunne du tenkje deg å arbeide ein stad med kombinert sjukeheim og heimeteneste med varierte og spanande arbeidsoppgåver? I ein øykommune der det blant anna er like naturleg å bruke båttransport som biltransport når vi skal på heimebesøk. Solund kommune har slått saman institusjonstenesta og heimetenesta til ei eining, der ei samla personalgruppe har ansvar for både sjukeheimspasientar og heimebuande brukarar. Kommunen har òg si eiga ØHD/KAD seng og alle helse- og omsorgstenestene er samla under eit tak. Me har eigen legevakt som er bemanna 24/7 og saman er me eit godt team både dag og natt. Arbeidsoppgåver er mellom anna: • Personleg hjelp og omsorg til brukarar i og utanfor institusjon. • Dokumentere i gjeldande fagsystem, og etter gjeldande prosedyrar. • Sørgje for at tiltak, oppfylgjing og dokumentasjon til ei kvar tid er fagleg forsvarleg. • Bidra til god informasjonsflyt på avdelinga. • Være fleksibel til også å kunne utføre andre relevante oppgåver. • Bidra aktivt til eit positivt arbeidsmiljø. Kvalifikasjonar: • Autorisert helsefagarbeidar/omsorgsarbeidar. • Gode framstillingsevne på norsk, både munnleg og skriftleg • Evne til å arbeide systematisk for å sikre god kvalitet i tenesta på kvar vakt. • Førarkort klasse B • Gjerne erfaring frå eldreomsorg. Sidan vi er ein liten institusjon er det viktig at du er god på samhandling. Det er ein variert kvardag, difor er det viktig at du er fleksibel og har evne til å tilpasse deg. For å få ein triveleg kvardag saman med bebuarane og kollegaer ser vi for oss at du er raus og inkluderande. Vi tilbyr • Sterkt tverrfagleg miljø • Løn etter tariff   • Hjelp til å skaffe bustad • Flyttegodtgjersle • Spanande faglege arbeidsoppgåver i nydeleg natur ytst i havet • Ein overvektig katt som bur på institusjonen med stor appetitt på både kos og mat • I denne stillinga har du rett på ei av Noregs sikraste pensjonsordningar: Offentleg tenestepensjon. Der dei fleste tenestepensjonar berre utbetalast i 10 år, er offentleg tenestepensjon ei utbetaling som varer frå den dagen du sluttar å jobbe og livet ut. Les meir her • Godt arbeidsmiljø, og eit inkluderande samfunn. • Frå 2026 vil du søkje om å få redusert opptil 25 000 kroner av studielånet ditt når du har budd 1 år i Solund. Sjå info hos Lånekassen. Dette er stillinga for deg som ynskjer å jobbe på ein mindre institusjon i eit lite samfunn. Som helsefagarbeidar i Solund kommune har du tid til å bli godt kjent med brukarane. Det kan vere travle arbeidsdagar her hos oss, men på same tid eit heilt anna tempo enn ein opplever på større stadar. Hos oss skal du få tid til å gjere den gode jobben som helsefagarbeidar. Om du likar å være aktiv/sosial på fritida finst det mange aktivitetar og frivillige lag for både store og små. Sjølv om me er små finst det noko for dei fleste her hjå oss.  Syns du dette kan høyrast spanande og utfordrande ut, ja då må du søkje stillinga! Slå gjerne på tråden til Ingelin - leiar for sjukeheim og heimetenester, ho gler seg til å høyre frå deg! Tilsetjing elles i tråd med HTA. Løns- og arbeidsvilkår er i h.h.t. gjeldande lov, reglement og avtaleverk. Prøvetid 6 månadar. I tråd med lov om helsepersonell er det krav om godkjend politiattest og utfylt MRSA- og tuberkuloseskjema ved oppstart i stillinga. Attestar og vitnemål må leggjast fram i samband med intervju. Offentleg søkjarliste: Vi gjer merksam på at søkjarliste med namn, kjønn, alder og noverande stilling i utgangspunktet er offentleg informasjon. Dersom det ikkje er særlege grunnar for å unnta offentleggjering vil søkjaren verte kontakta og få høve til å trekke søknaden sin før søkjarliste vert gjort offentleg. Velkomen som søkjar! Solund kommune har vurdert marknadsføring av stillinga, og ynskjer berre kontakt med søkjarar. Link til søknadsskjema: Søk her