Seksjonsleder - Private planer

Har du lyst til å bli seksjonsleiar i eit spennande og engasjert fagmiljø ved ei av Noregs største lungeavdelingar?​     Har du lyst til å bli seksjonsleiar i eit spennande og engasjert fagmiljø ved ei av Noregs største lungeavdelingar?   Lungeavdelinga driv med spesialisert utgreiing og behandling av pasientar med lungesjukdomar i Helse Vest. Vi har stor forskingsaktivitet i tett samarbeid med andre avdelingar og institusjonar,  både regionalt og nasjonalt. Lungeavdelinga har omlag 180 årsverk og eit breitt pasientgrunnlag med rundt 2800 innleggingar (døgn- og dag) og 28000 poliklinske konsultasjonar årleg . Gjennom tett samarbeid med universitet og høgskular bidreg vi aktivt til forsking og fagutvikling.  Vi jobbar kontinuerleg med kvalitetsforbetring gjennom 14 forbetringsteam. Som seksjonsleiar vil du spele ei viktig rolle i dette arbeidet, mellom anna gjennom rettleiing og oppfølging av faglege utviklingsprosjekt.   Lungeavdelinga har to sengepostar med totalt 38 sengeplassar, samt ein stor og variert poliklinikk- og dagbehandlingseining. I tillegg er Nasjonal kompetanseteneste for søvnsjukdommar og Nasjonalt nettverk for langtids ventilasjonsbehandling (NNLTMV) knytt til avdelinga.   Post 1​ har 16 sengeplassar fordelt på to team; 8 sengeplassar til respiratorisk overvakingseining (ROE) som driv non-invasiv ventilasjonnstøtte og avvenning frå respirator, og 8 generelle lungemedisinske senger. ROE er leiande innan utgreiing, behandling og oppfølging av pasientar med akutt og kronisk respirasjonssvikt og rapporterer data til Norsk intensivregister. Sengeposten har tett samarbeid med  dei andre kirurgiske og medisinske intensiv- og overvakingseiningane ved sjukehuset.    Post 3​ har 20 lungemedisinske sengeplassar fordelt på to team. Eit team har hovudfokus på lungekreft og palliativ lungemedisin, og eit team arbeider med infeksjonssjukdommar, KOLS og tuberkulose. I tillegg behandlar vi mellom anna pasientar med pneumothorax, cystisk fibrose, lungefibrose, sarkoidose og lungeemboli. Posten har eit luftsmitteisolat med undertrykk og sluse for utreiing og behandling av pasientar med særleg smitteførande lungeinfeksjonar.   Vi søkjer ein seksjonsleiar som er ein pådrivar for effektiv drift med høg kvalitet, og som er ein tydeleg og synleg leiar i arbeidsmiljøet. Du er oppteken av utvikling – både av fag, medarbeidarar og organisasjon, i tett samarbeid med leiarteam, tillitsvalde og verneombod. Samarbeid om drift og personell på tvers av lungesengepost 1 og 3 samt lungepoliklinikken er ein viktig del av leiaroppgåvene. Seksjonsleiaren bidreg aktivt til at avdelinga når sine mål, i tråd med helsepolitiske føringar og budsjett. Som seksjonsleiar vil du rapportere til direktøren, Sverre Lehmann, og du blir del av leiarteamet for heile Lungeavdelinga.   Arbeidsoppgåver ​ • Heilskaps- og resultatsansvar; økonomi, personal, fagleg utvikling • Kompetansebygging • Samarbeid med sideleiar og seksjonsoverlege • Seksjonsleiar er del av leiargruppa ved Lungeavdelinga og er med på å leie, og forme strategien for avdelinga • Driftsansvar for alle yrkesgrupper knytta til drift ved seksjonen • Samhandling eksternt og internt • Ansvar for arbeidstidsplanlegging • Dokumentasjon og evaluering av verksemda • Supervisjon av kvalitetsforbetringsteam Kvalifikasjonar ​ • Leiarerfaring eller gode leiareigenskapar er ein fordel  • Formell leiarutdanning er ønskjeleg, men ikkje eit krav • Relevant sjukehuserfaring og erfaring frå arbeid med lungesjuke pasientar er ønskjeleg • Gode datakunnskapar • Sjukepleiar må ha norsk autorisasjon • God munnleg og skriftleg framstillingsevne Utdanningsretning​ ​ • Sjukepleie • Organisasjon/administrasjon/leiing    Personlege eigenskapar​ • Mål- og resultatorientert • Pasientorientert • God gjennomføringsevne og evne til å arbeide strukturert • Stor arbeidskapasitet • Pådrivar i utvikling av seksjonen og avdelinga • Toler å stå i krevjande situasjonar saman med medarbeidarar   • Gode kommunikasjonferdigheiter og evne til å motivere og lytte • Tydeleg på forventingar og tilbakemeldingar • Samarbeidsvillig og fleksibel • Medverke til eit godt arbeidsmiljø Vi tilbyr​ • Leiarstilling med moglegheiter for fagleg- og leiarutvikling • Lønn etter avtale • Triveleg arbeidsmiljø • Høgt fagleg nivå • Konkurransedyktig pensjonsordning. Yrkesskadeforsikring, gruppelivsforsikring og tenestereiseforsikring. • Ein arbeidsplass som er ei inkluderande arbeidsliv-bedrift (IA-bedrift) Kontaktinformasjon​Sverre Lehmann, Direktør, 97197288 Solveig Margrethe Dale, Assisterende Direktør , 97505125 Arbeidsstad​Haukelandsveien 22 5021 BERGEN Nøkkelinformasjon:​Arbeidsgivar: Helse Bergen HF Referansenr.: 5149870841 Stillingsprosent: 100% Fast Søknadsfrist: 14.08.2026

Er du interessert i menneske, logistikk og teknologi?​ Då kan du vere den rette til å leie produksjonseininga vår i Hospitaldrift Tekstilforsyning. Vaskeriet vårt søkjer ein ny seksjonsleiar. Her vil du møte engasjerte medarbeidarar og få ein aktiv og variert arbeidskvardag. I tillegg til leiar- og driftsansvar for vaskeriet vil du arbeide med prosjekt innan tekstilforsyning til sjukehuset, prosjektstyring internt i vaskeriet og samarbeid med andre einingar i Hospitaldrift. Tekstilforsyning er éi av sju einingar i Hospitaldrift, som igjen er ei viktig avdeling i Drift/teknisk divisjon ved Haukeland universitetssjukehus. Divisjonen omfattar sjukehuset sine ikkje-medisinske avdelingar. Hospitaldrift Tekstilforsyning har som hovudoppgåve å levere ei berekraftig teneste og er hovudleverandør av tekstilar til sjukehusdrifta i Helse Bergen. Som seksjonsleiar får du gode moglegheiter til å utvikle seksjonen, medarbeidarane dine og deg sjølv. Ditt bidrag kan gjere kvardagen enklare for pasientar og tilsette ved sjukehuset. Du vil ha ei sentral rolle i arbeidet med forbetringsprosessar og logistikk i eiga eining, i samarbeid med brukarane og kundane våre, samt med andre avdelingar ved sjukehuset. Vi søkjer ein leiar som ser den enkelte medarbeidaren, bidrar til eit positivt og berekraftig arbeidsmiljø, og som kan vidareutvikle og forbetre prosessane og samarbeidsevna vår. Du vil få med deg dyktige medarbeidarar og nøkkelpersonar i drifta. Som seksjonsleiar inngår du i leiargruppa for eininga. Arbeidsoppgåver​ Som seksjonsleiar vil du ha ei sentral rolle i den daglege drifta og den vidare utviklinga av seksjonen. Du vil mellom anna:​ • Leie, organisere og vidareutvikle seksjonen i tråd med mål og strategiar • Ha heilskapleg fag-, økonomi- og personalansvar • Sikre god drift og oppfølging av system for teknisk vedlikehald av maskinparken • Leggje til rette for opplæring, kompetanseutvikling og fagleg vekst hos medarbeidarane • Delta i og leie anskaffings- og investeringsprosessar for seksjonen • Vere ein aktiv del av leiargruppa i eininga og bidra til godt samarbeid på tvers av fagområde og avdelingar • Drive kontinuerleg forbetringsarbeid innan drift, logistikk og arbeidsprosessar • Byggje gode relasjonar med kundar, brukarar og samarbeidspartnarar internt i sjukehuset Dette er ei stilling for deg som trivst med å kombinere menneskeleg leiing, operativ drift og strategisk utviklingsarbeid. Som seksjonsleiar får du høve til å påverke både tenestene vi leverer og arbeidskvardagen til medarbeidarane dine.​ Kvalifikasjonar​ • Vi søkjer ein erfaren og utviklingsorientert leiar med relevant høgare utdanning innan tekniske fag, logistikk eller tilsvarande • Du har god forståing for drift, logistikk og forbetringsarbeid, og trivst med å bruke data og digitale verktøy som grunnlag for styring og utvikling • Erfaring frå produksjonsverksemd eller vaskeri er ein fordel • Du kommuniserer godt på norsk, både munnleg og skriftleg, og har evne til å skape engasjement, samarbeid og resultat gjennom andre Personlege eigenskapar​ • Vi søkjer deg som ønskjer å vere ein viktig ressurs i utviklings-, endrings- og forbetringsarbeid. Du ser den enkelte medarbeidaren sine styrkar og utviklingsmoglegheiter, og er oppteken av å leggje til rette for meistring, engasjement og fagleg vekst • Du har ein inkluderande leiarstil og skapar gode resultat gjennom samarbeid. Som leiar kommuniserer du tydeleg, byggjer tillit og etablerer gode relasjonar både internt og eksternt. Du trivst med å arbeide saman med andre, er løysingsorientert og bidreg til eit positivt og berekraftig arbeidsmiljø Vi tilbyr​ Hos oss får du leie ein viktig seksjon med eit samfunnskritisk oppdrag. Tekstilforsyning er ein sentral støttefunksjon som er avgjerande for smittevern, pasienttryggleik og effektiv sjukehusdrift. • Ei veldriven seksjon med dyktige medarbeidarar som legg vekt på samarbeid, kunnskapsdeling og gode resultat • Eit godt arbeidsmiljø med engasjerte og kompetente kollegaer • Varierte og spennande arbeidsoppgåver med gode moglegheiter for fagleg og personleg utvikling • Ein arbeidsplass ved Haukeland universitetssjukehus, ein av dei største arbeidsplassane på Vestlandet • Gode moglegheiter for opplæring og vidareutdanning • Fleksibel arbeidstid • Løn etter avtale • Gode pensjons- og forsikringsordningar • Gode velferdsordningar og eit breitt tilbod av aktivitetar og fritidstilbod Som seksjonsleiar får du høve til å påverke utviklinga av ei viktig teneste for sjukehuset, samtidig som du bidreg til gode og trygge pasientforløp kvar dag.​   Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse. Kontaktinformasjon​Kjersti Helen Røli Hope, Einingsleiar, 55974890 Arbeidsstad​Haukelandsveien 22 5021 Bergen Nøkkelinformasjon:​Arbeidsgivar: Helse Bergen HF Referansenr.: 5154936847 Stillingsprosent: 100% Fast Søknadsfrist: 20.08.2026