Lege i spesialisering, psykiatri

Har du lyst til å vere med å bygge opp vårt psykosebehandlingstilbod? Vi har tilsett seksjonsoverlege og psykologspesialist. Vi ønsker å supplere teamet vårt ytterlegare med ein psykiatar og ein psykologspesialist. Du vil i stor grad kunne vere med å utforme behandlingstilbodet, og påverke korleis vi yter tenestene til pasientgruppa. Bjørgvin Distrikspsykiatriske senter (DPS) er ein del av Divisjon psykisk helsevern i Helse Bergen. Klinikken gir psykiatriske spesialisthelsetenester til innbyggjarane i kommunane Alver, Austrheim, Fedje, Gulen, Masfjorden, Modalen og Osterøy og i tillegg bydelane Arna og Åsane i Bergen kommune. Samla har klinikken eit opptaksområde med om lag 80 000 innbyggjarar over 18 år. Klinikken er lokalisert på Tertnes i Åsane og i Knarvik i Alver kommune. Døgntilbodet er lokalisert på Tertnes, medan polikliniske tenester blir gitt både i Knarvik og på Tertnes. Klinikken omfattar fagområda psykose og allmennpsykiatri. Bjørgvin DPS søker etter ein overlege i 100% fast stilling til fagområdet psykose. Klinikken har ei kognitiv behandlingstilnærming. Stillinga er ledig frå 01.12.2026. Arbeidsoppgåver​ Bjørgvin DPS sine kjerneoppgåver er:​ • ​Spesialisert utgreiing og differensiert behandling • Opplæring av pasientar og pårørande • Rettleiing til den kommunale psykiske helsetenesta • Forsking, kvalitetsutvikling og utdanning av helsepersonell Klinikken har for tida 11 legespesialistar og 20 psykologspesialistar. Vi ønsker å styrke spesialistkompetansen ytterlegare. Vi legg til rette for kompetanseheving og etterutdanning for spesialistar og vi har fokus på klinikknær forsking. Samarbeid med sjukehus, kommunar og brukarorganisasjonar er ein viktig del av jobben Bjørgvin psykosepoliklinikk/ FACT team:​ • Teamet er breitt, tverrfagleg samansett med overlegar, psykologspesialistar, psykologar, sosionomar, IPS konsulentar, spesialsjukepleiarar, vernepleiarar, musikkterapeut, ergoterapeut, fysioterapeut og erfaringskonsulent. Totalt er der 20 årsverk i poliklinikken/ FACT teamet • Seksjonen har pasientar i frivillig vern, pasientar som er under psykisk helsevern på tvang utan døgnopphald og pasientar som er domfelte til psykisk helsevern på tvang. Poliklinikken /FACT teamet har totalt 140 pasientar i behandling Bjørgvin psykose døgnbehandling:​  • Eininga har ei velkvalifisert personalgruppe der den store majoriteten er høgskoleutdanna personale med vidareutdanning i psykisk helse og/eller rusproblematikk • Totalt har seksjonen 15 døgnplassar. Seksjonen har i tillegg psykolog, psykologspesialist, lege med spesialitet i allmennmedisin og sosionom Kvalifikasjonar​ • Spesialist i psykiatri  • Norsk autorisasjon som lege • Må meistre godt norsk, både munnleg og skriftleg • Ønskeleg med erfaring frå psykose • Ønskeleg med erfaring frå rettleiing av LIS Personlege eigenskapar​ • Du er engasjert og løysingsorientert • Du er tilpassingsdyktig, effektiv og sjølvstendig • Du likar å jobbe tverrfagleg, både internt i eigen seksjon og med samarbeidspartnarar • Du bidrar til eit godt arbeidsmiljø • Du trivst i eit aktivt og travelt miljø Vi tilbyr​ • Ein spennande overlegestilling i ein veldreven seksjon med høg tverrfagleg kompetanse • Lønn etter avtale • Gode pensjons- og forsikringsordningar ​​Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse. Kontaktinformasjon​Wenny Karin Bernes, Seksjonsleiar, 90980134 Arbeidsstad​Tertnesvegen 37 5113 Tertnes Nøkkelinformasjon:​Arbeidsgivar: Helse Bergen HF Referansenr.: 5143385845 Stillingsprosent: 100% Fast Startdato: 01.12.2026 Søknadsfrist: 02.08.2026

UiB - Kunnskap som formar samfunnet​ UiB skal vere blant Europas fremste universitet, internasjonalt kjent for høg kvalitet i forsking og utdanning. Som samfunnsinstitusjon skal vi bidra til ei berekraftig og demokratisk utvikling og vere ein attraktiv og inkluderande studie- og arbeidsplass. Video: https://youtu.be/M5n6RnScNgAStudieleiar (50% førsteamanuensis/universitetslektor)​ Ved Det medisinske fakultet, Universitetet i Bergen, er det ledig ei stilling som  førsteamanuensis eller universitetslektor (50 %) i medisin ved Klinisk institutt 1 eller Klinisk institutt 2 (avhengig av søkjar sitt fagområde/ sin spesialitet). Den som vert tilsett, får rolla som lokal studieleiar for fleircampusmodellen for medisinstudiet (prosjekt Vestlandslegen) i Haugesund. Arbeidet finn stad på Haugesund sjukehus, og ein føresetnad for stillinga er fast tilsetjing som lege ved Haugesund sjukehus.  Bakgrunnen for utlysinga er fakultetet sitt prosjekt for å etablere ein regional studiemodell for legeutdanninga ved UiB, i samarbeid med dei lokale helseføretaka i Helse Vest. Det første kullet med 20 medisinstudentar tek til på Campus Haugesund hausten 2029. Arbeidsoppgåver for lokal studieleiar​ • leie arbeidet med utvikling, etablering og gjennomføring av fleircampusmodellen i Haugesund  • bidra i etablering og utvikling av stab i Haugesund  • samarbeide med føretaksleiinga og avdelingane ved Helse Fonna om å implementere og drifte den til ein kvar tid gjelande studieplan  • ha ansvar for alle lokale semester i studieår 4-6 saman med lokale semesterleiarar og koordinatorar/konsulentar  • samarbeide med relevante fagleg og administrativt ansvarlege ved Det medisinske fakultet.  • ha tett samarbeid med programutvalsleiar for studieprogrammet i medisin ved Det medisinske fakultet og Eining for læring • ha ansvar for oppfølging av studentsaker lokalt • bidra til undervisning og eksamensarbeid, samt rettleiing og sensur av hovudoppgåver Det vert óg venta at den som vert tilsett, i rimeleg grad skal oppretthalde eller ta initiativ til eiga forskingsverksemd i høve til stadium for eige forskarløp.  I arbeidet med å utvikle eit fleircampusbasert undervisningsmiljø må den som vert tilsett pårekna noko reising til andre campus. UIB vil i dialog med lokalt føretak legge til rette for delt arbeidsforhold etter tilsetjing.   Kvalifikasjonar og eigenskapar:​ For førsteamanuensis:​ Kvalifiserte søkjarar har norsk doktorgrad i eit relevant fagfelt, eller tilsvarande kompetanse, må vere lege (cand.med.) og ha spesialitet innanfor eitt av faga det skal undervisast i. Det er eit ønskje at søkjar har brei og relevant klinisk erfaring, samt stort engasjement og interesse for undervisning. Personlege eigenskapar blir vektlagd ved vurderinga. Søkjar må fylle krav til utdanningsfagleg kompetanse, eller skaffe seg dette innan 2 år frå tilsetjing. UiB vil gje tilbod om opplæring i medisinsk pedagogikk dersom kravet ikkje er oppfylt før tilsetjing. Undervisningsspråket er til vanleg norsk. Det vert kravd at den som vert tilsett, kan undervise på norsk eller eit anna skandinavisk språk innan to år etter tilsetjinga. Kurs vert tilbode. For universitetslektor​ Kvalifiserte søkjarar må vere lege (cand.med.) og ha spesialitet innanfor eitt av faga det skal undervisast i eller dokumentert fullført teneste (dersom ein ikkje er ferdig spesialist). Det er eit ønskje at søkjar har brei og relevant klinisk erfaring, samt stort engasjement og interesse for undervisning. UiB vil gje tilbod om opplæring i medisinsk pedagogikk dersom formell kompetanse ikkje ligg føre på søknadstidspunktet. Undervisningsspråket er til vanleg norsk. Det vert kravd at den som vert tilsett, kan undervise på norsk eller eit anna skandinavisk språk innan to år etter tilsetjinga. Kurs vert tilbode. UiB tilbyr norskopplæring og vil legge til rette for at språkkravet kan oppfyllast. Det blir kravd gjennomført innføringskurs i universitetspedagogikk, med eit samla omfang på 39 timar. Dersom ein ikkje har utdanningsfagleg kompetanse, må dette skaffast innan 2 år frå tilsetjing. Sjå meir på Enhet for læring. Vi tilbyr:​ • Eit godt og internasjonalt arbeidsmiljø og spanande arbeidsoppgåver i eit fakultet med fagmiljø som hevdar seg godt nasjonalt og internasjonalt • Faglege utfordringar med gode høve for personleg utvikling og kompetanseutvikling • Førsteamanuensis: Løn er for tida kr 800 000 – 820 000 (kode 1011), eller løn for  spesialist kr 820 000 – 850 000. Løn er brutto  pr. år for ei fulltidsstilling i lønsregulativet til staten ved tilsetjing. For særleg  kvalifisert søkjar kan det verte aktuelt å vurdere høgare løn  • Universitetslektor: Løn er for tida kr 655 000 – 705 000 (kode 1009) brutto pr. år for ei  fulltidsstilling. For særleg kvalifisert søkjar kan det verte aktuelt å vurdere  høgare løn • God pensjonsordning i Statens pensjonskasse • Gode velferdsordningar Søknaden skal innehalde:​ For førsteamanuensis​ • Søknadsbrev som fortel kvifor du søkjer stillinga • Utfyllande CV samt relevante vitnemål og attestar • Fullstendig publikasjonsliste • Dokumentasjon på eventuell utdanningsfagleg kompetanse sjå Eining for læring, sjå Eining for læring • Ei liste over vitskaplege arbeid du vil det skal takast omsyn til ved vurderinga (høgst 10). For kvart arbeid skal det følgje med eit kort samandrag som omtalar dei viktigaste funna i arbeidet • Dei 10 vitskaplege arbeida frå punktet over i pdf-format • Namn og kontaktinformasjon til minst to referansar For universitetslektor​ • Søknadsbrev som fortel kvifor du søkjer stillinga • Dokumentasjon på medisinsk spesialitet, eller på fullført teneste (dersom ein ikkje er ferdig spesialist) • Utfyllande CV med eventuelle vitskaplege publikasjonar • Vitnemål og attestar • Dokumentasjon på eventuell utdanningsfagleg kompetanse sjå Eining for læring • Namn og kontaktinformasjon til minst to referansar Dersom du driv forsking legg du og ved: • Fullstendig publikasjonsliste • Vitskaplege arbeid (maks 10) i pdf format   Det er særs viktig at kvart av dei vitskaplege arbeida som det skal takast omsyn til ved vurderinga i sin heilskap vert lasta opp som vedlegg til søknaden (pdf).​ Generell informasjon:​ Utfyllande opplysningar om stillinga kan ein få ved å vende seg til prosjektleiar for Vestlandslegen professor Gottfried Greve, gottfried.greve@uib.no. Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder. Universitetet i Bergen nyttar meirinnsyn ved tilsetjing i vitskaplege stillingar. Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette. Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju. Nærare om tilsettingsprosessen her.